फिटे अंधाराचे जाळे
फिटे अंधाराचे जाळे, झाले मोकळे आकाश
दरीखोऱ्यांतून वाहे एक प्रकाश, प्रकाश
फिटे अंधाराचे जाळे…
रान जागे झाले सारे, पायवाटा जाग्या झाल्या
सूर्य जन्मता डोंगरी, संगे जागल्या सावल्या
एक अनोखे लावण्य, आले भरास, भरास
फिटे अंधाराचे जाळे…
दंव पिऊन नवेली झाली, गवताची पाती
गाणी जुनीच नव्याने, गातात अवखळ माती
एक निळाई भरून उरली, श्वासात, श्वासात
फिटे अंधाराचे जाळे…
क्षितीजावरती आली आता, लालीची नक्षी
फुलराणीच्या गालावरती, उमलली नव साक्षी
गंध फुलांचा जाहला आता, उजेड, उजेड
फिटे अंधाराचे जाळे…